هي مش عارفة

مش عارفة ايه عنوان اللي هاتكتبه
ولا هاتكتبه ليه،ولا عن ايه
فجأة حسيت انها عايز. تكتب،
يمكن من تعجبها من نفسها،في فجوة كبيرة حدثت داخل روحها،
في شيء مهم افتقدته،بتحاول جاهدة تصمد وتتعود علي غيابه،
ومش عارفة هاتنجح ولا لا
اللي مخوفها انها اتغيرت......بشكل مفاجيء لها هي نفسها
زي اللي خايف يبقي لوحده فبيرمي نفسه لناس او لشيء يشغله حتي لو مكنتش الناس يناسبه أو مكنش الشيء من هواياته الاصليه
دائرة لاقيت نفسها بتلف فيها يوميا لحد ما تتعب وتنام،لحد ما دماغها تقفل وتهنج فتنام.
مش عارفة تخرج م الدائرة دي والكل ملاحظ انها اتغيرت واولهم هي نفسها......بس مش عارفة تخرج برضه م الدائرة.

بعد ثاني يوم في المشكلة تعبت اسبوع كامل سخونية و...و......
ورغم الالم لكن كان التعب شاغلها والأدوية وغيره لحد ما بدأت تتعافي ،وسبحان الله مكملتش اسبوعين حتي كويسة وتعبت تاني خمسة أيام برضه حرارة ورعشة ومضاد حيوي ،,,,,
مكنتش ملاحقة علي نفسيتها ولا جسمها اللي بيشارك معها
صدمات ورا صدمات و الحياة لازم تمشي،حتي لو انت نفسك قررت تقف ،
هي برضه هاتمشي وهاتزقك تعيش حتي لو مش بروحك بجسمك بس،جسمك يروح الشغل يروح يخلص اوراق،يعمل اللي يعمله،
وروحك ونفسك في حتة تانية في نفق مظلم في دوامة في المحيط
عمالة تلف تلف تلف تلف ........
اد ايه ساعات حد يبسط للي قدامه الحل ،لكن يترفض
حد يغششك يقولك طب قول كذا.....وانا اسامحك فترفض

فتتصعد المشكلة........،
لما تقول في حد اداني الامان ورجع سحبه منك ،لازم تفهم حاجات معينة
اولا ليه اداك الامان؟
ويعني ايه الامان اصلا؟
يعني ايه شخص وثق فيا؟ وازاي اكون اد ثقته؟
وثق فيك يعني أئتمنك علي نفسه وسعادته وسلامته.
ازاي اكون أد الثقة ،إني أحافظ علي ما إئتمنني عليه سواء سعادة أو سلامة أو نفس.
لما اقولك أعطيتك الامان ،وتقولي غمضي عينيك،هاغمض وانا عارفة انك العين البديلة بتاعتي،هاتقولي قفي علي سور هاقف وانا عارفة انك هاتمسكني ومش هاقع،ومازالت بقولك معاك الامان يا سيدي عايزني اعمل ايه تاني؟
فجأة الاقيك تقولي اقفزي من عاشر دور!
طب ازاي أظل مداياك الامان .إذا كنت انت مفكرتش في مدي خطورة هذا الطلب،وتأثيره علي هايكون ايه!
واكيد اي حد مكاني عاقل هيتراجع عن القفز والانتحار الواضح دا،
وهايستغرب طلبك ازاي اصلا يتطلب.... هو الامان تم إعطائه لشخص يتميز ليس فقط بالخوف علي ولا بمعزة كبيرة تخصني ولا....ولا....ولا....فقط.
انما أيضا يتميز بالحكمة والرشد.
وطبيعي تاني يوم من حقي استغرب واقولك انت عارف انت كنت عايزني اقفز من الدور الكام؟
انت مدرك كان الدور الكام؟
رد علي؟
رد؟
يكفيني انك تقول كان الدور الكام

كنت عايزة افوقك.. إذا كنت غير مدرك طلبك دا معناه ايه بالنسبة لي؟
اذا كنت مدرك أنه اتغير عندي بكلمة موتي نفسك يالا....؟
دا اللي حصل مع الفارق.....
موت النفس،موت الحياء،موت الكرامة،موت الخشية من الله ......
هو برضه موت.......
ولا مبرر لمثل هذا الطلب

معقول المبرر يكون عشان اعرف كدا ركبتك بتوجعك منين وانت بتقفزي فأعالجها؟
هي هاتفرق في ايه اعالج ركبتي بعد ما انتحر؟
عقلي مش قادر يستوعب حتي الآن!
اد كدا غابت عنك الحكمة في هذا الموقف،
ام استهترت بمنية ،ام ..... مش عارفة مش لاقية مبرر منطقي ابدا
منية أفردت مساحة كبيرة من حرية الكلام لانس،وكانت تمرر اشياء .عابرة .لقناعتها انه يعتبرها نفسه فيفضفض معها ويتشارك معها حتي وسوسة نفسه.لكن..... .
اتصدمت فيه جدا
اتصدمت حتي برد فعله عند النقاش
خاف يقولها اه قلت لك اقفزي من العاشر يعني انتحري.
ليه؟. عشان ميبقاش غلطان ،وفضل يبرر سبب الطلب ،
وبس وشايفها تزداد ضيق وعصبية والم وهو يفكر فقط في نفسه ازاي ميكونش شكله وحش........
ساعات السماح يعني اني مش باكره اللي أمامي لاني مش قادرة اعمل كدا
ولأن له رصيد يمنع الوصول لنقطة الكره.
لكن مش معني السماح أن الشخص قادر يرجع يتعامل مع اللي قدامه.
ليه؟
يمكن لانه لسه مصدوم

لسه موجوع
يمكن لانه مبقاش عارفه! مستغربه! مش عارف ايه اللي ممكن يقوله أو يعمله أو يطلبه ويكون المبرر أنه بيساعد ،او ان الحقيقة والخيال تداخله سويا عنده....دا مش دليل ع ال٤ اني اقول احدف نفسك وانا شايف الأرض قطن ابيض جميل مش هايجرح اللي يقع عليه
الالم الكبير انك حرمت منية حتي من صداقة انس ،مش بس من مشاعره.