لعله اليوم السابع من رمضان

مبقتش عارفة الايام من بعضها.
يبدو أن النفسية التحمت مع الجسد بشكل ابهرنى المرة دى.
كنت تعبانة بقى لى فترة بس متعايشة مع الالم .لكنه زاد بشكل مش قادرة اتعايشه ولا اتحمله.آلم لايوصف فى الحلق لدرجة أنه أصبح متجرح وشايفة فى المرايا اثار الدم فيه .كنت فاكرة دور برد .لكن جمعت الأعراض وعرفت أنه نشاط حاد لارتحاع المرىء وفعلا كانت نفسيتى مش مرتاحة الفترة السابقة والارتجاع من انعكاساتها. للاسف الدكتور اللى برتاح له ميعاده بعيد ومكانه بقى بعيد وكشفه بقى ب ٧٠٠ج.فقررت مستناش واروح لدكتور قريب المتاح حاليا.لا شفت غيره تليفونه كان رقمه متغير معرفتش اوصل للمواعيد.المهم الدكتور المتاح اللى مش برتاح له أصلا واللى طردنى ساعة الكورونا .كشف وهو مرعوب زى ماهو ولا بس ماسك وخائف حتى يشوف زورى شافه من بعيد بفلاش الموبايل من غير حتى ما يدخل عصابة الحلق وباقوله يا دكتور هى الكورونا رجعت ؟
قالى هى كانت راحت ؟
المهم اختصر الكلام بشكل مزعج وكتب الأدوية و بس؟
طب دا ارتجاع مرىء ؟ طب دا ايه؟
التهاب فى الحلق وكتبت مضاد حيوى
طب ما أنا حاسة بارتجاع
ما انا كاتب أدوية لحموضة المعدة.
وخلص الكلام.
مش مرتاحة له .ولا عارفة ابلغ حتى ريقى مش شوية مائة
وفى نفس الوقت لازم اشرب سخن على طول عشان الالم يهدأ شوية
وباخد الأدوية وربنا الشافى .طبعا انسداد فى الأنف وصداع شديد غبت اليوم من العمل .
ربنا الشافى المعافى.
امس كشفت كمان عيون وغير لى كشف نظارة القراءة.
واطمئن على قاع العين وضغط العين الحمد لله.كله تمام.بس كتب على قطرة لان فى جفاف فى العين.
بسيطة الحمد لله.قلت اكشف الاثنين و ارتاح .الله كريم دعواتكم.ويارب يارب تكونوا احسن الان

شفاكي الله وعافاكي من كل سوء
اسأل الله العظيم رب العرش العظيم ان يشفيك
معلش في دكاترة رخمين كتير
بس بنبقى مضطرين لهم
المهم امشي على الدوا وخليكي على الدافي
نعمل اللي علينا والباقي على ربنا